Тоҷикӣ | Русский | English  

Вохӯрии Ваколатдори Тоҷикистон бо Намояндаи махсуси Иттиҳоди Аврупо дар Осиёи Марказӣ

2 июни соли 2015 дар шаҳри Брюссел вохӯрии Ваколатдор оид ба ҳуқуқи инсон дар Ҷумҳурии Тоҷикистон Зариф Ализода бо Намояндаи махсуси Иттиҳоди Аврупо дар Осиёи Марказӣ Питер Буриан баргузор гардид. Зимни вохӯрӣ масъалаҳои гуногунҷабҳаи ҳамкорӣ миёни Тоҷикистон ва Иттиҳоди Аврупо дар соҳаи ҳуқуқи инсон баррасӣ гардид.

Ҳамчунин, мубодилаи афкор атрофи рушди раванди демократикунонӣ ва ҷомеаи шаҳрвандӣ, кӯмаки Иттиҳоди Аврупо ҷиҳати таҳкими иқтидори ниҳоди Ваколатдор оид ба ҳуқуқи инсон сурат гирифт.

Дар вохӯрӣ Намояндаи доимии Ҷумҳурии Тоҷикистон дар Иттиҳоди Аврупо, Сафир Рустамҷон Солиев иштирок намуд.

 

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj