Тоҷикӣ | Русский | English  

Оғози Форуми об вобаста ба кӯдакон

Имрӯз, 6 июни соли 2015 дар шаҳри Душанбе дар бинои Китобхонаи миллӣ дар доираи Конфронси байналмилалии сатҳи баланд оид ба натиҷаҳои татбиқи Даҳсолаи байналмилалии амал “Об барои ҳаёт”, 2005-2015 Форуми об вобаста ба кӯдакон ба кори худ оғоз намуд, ки рӯзи 7 июн давом хоҳад кард.

Мақсади Форум пешниҳоди имконият ба кӯдакон ва наврасон ҷиҳати баланд бардоштани сатҳи дониш ва малакаи фаъолияти ҷамъиятӣ мебошад, ки ин ба онҳо имконият медиҳад, то дар муҳокимаҳои ҷаҳонӣ вобаста ба таъмини ҳаррӯзаи кӯдакон бо об, беҳдошт ва гигиена дар ҳама сатҳи зиндагӣ: - хона, ҷамъият, мактуб ва дар вақти офатҳои табиӣ ширкат варзанд.

Дар ин Форум кӯдакон аз 13 кишвари олам, аз ҷумла аз Тоҷикистон, Озарбойҷон, Беларус, Боливия, Бразилия, Замбия, Қирғизистон, Руминия, Украина, ИМА, Туркманистон, Филиппин ва Ҷумҳурии Корея иштирок менамоянд.

Натиҷаи ниҳоии Форуми об вобаста ба кӯдакон дар ҷаласаи ифтитоҳии Конфронси байналмилалии сатҳи баланд оид ба натиҷаҳои татбиқи Даҳсолаи байналмилалии амал “Об барои ҳаёт”, 2005-2015 9-10 июни соли 2015 аз ҷониби кӯдакон пешниҳод карда хоҳад шуд.

Дар доираи Конфронси байналмилалии сатҳи баланд оид ба натиҷаҳои татбиқи Даҳсолаи байналмилалии амал “Об барои ҳаёт”, 2005-2015 чор чорабиниҳои пеш аз конфронсӣ пешбинӣ шудаанд.

Чорабиниҳои пеш аз конфронсӣ ба мавзӯҳои зерин бахшида мешаванд: 1. Об ва кӯдакон 2. Об ва масоили гендерӣ, 3. Об ва кӯҳҳо 4. Об ва кишварҳои кам  рушдкарда ва давлатҳои хурди ҷазиравии рӯ ба инкишоф.

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj