Тоҷикӣ | Русский | English  

Суҳбати телефонии Вазири корҳои хориҷӣ бо Муовини Дабири кулли Хадамоти амалиёти хориҷии Иттиҳоди Аврупо

10 сентябри соли 2015 бо ташаббуси ҷониби Иттиҳоди Аврупо суҳбати телефонии Вазири корҳои хориҷии Ҷумҳурии Тоҷикистон Сироҷидин Аслов бо Муовини Дабири кулли Хадамоти амалиёти хориҷии Иттиҳоди Аврупо хонум Ҳелга Шмидт  баргузор гардид.

Дар рафти суҳбат Ҳ.Шмидт ҳамлаи мусаллаҳонаи 4 сентябрро ба кормандони мақомоти ҳифзи ҳуқуқи Ҷумҳурии Тоҷикистон аз ҷониби гурӯҳи ҷинояткорон, ки боиси ҳалокати кормандони мақомоти ҳифзи ҳуқуқ гардид, маҳкум кард.

Ҳ.Шмидт ҳамдардии худро ба наздикони  қурбоншудагон баён намуда, қайд кард, ки Иттиҳоди Аврупо тадбирҳои андешидаи Ҳукумати Тоҷикистонро баҳри боздошти  гурӯҳи ҷинояткорон, ҳифзи амнияти давлатӣ ва субот дастгирӣ мекунад.

Ҳ.Шмидт таъкид намуд, ки Иттиҳоди Аврупо омодааст,  ҳамкории зич бо Ҷумҳурии Тоҷикистон дар соҳаи амният, аз ҷумла мубориза бар зидди терроризмро идома диҳад.

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj