Тоҷикӣ | Русский | English  

Мулоқоти муовини Вазири корҳои хориҷии Ҷумҳурии Тоҷикистон Исматулло Насредин бо Мудири иҷроияи Дафтари СММ оид ба маводи мухаддир ва ҷиноят (UNODC) ҷаноби Юрий Федотов

19 июли соли 2018 дар ҳошияи сафари корӣ ба шаҳри Вена  мулоқоти Муовини Вазири корҳои хориҷии Ҷумҳурии Тоҷикистон  Исматулло Насредин бо Мудири иҷроияи Дафтари СММ оид ба маводи мухаддир ва ҷиноят (UNODC) ҷаноби Юрий Федотов доир гардид.

Зимни мулоқот ҷонибҳо роҷеъ ба масъалаҳои умдаи равобит байни Ҷумҳурии Тоҷикистон ва UNODC дар роҳи мубориза бо гардиши ғайриқонунии маводи мухаддир, ҳамкорӣ дар чаҳорчӯби созмонҳои минтақавӣ, аз қабили Маркази иттилоот ва ҳамоҳангсозии умури мубориза бо маводи мухаддир, психотропӣ ва прекурсорҳои онҳо дар Осиёи Марказӣ (CARICC), инчунин ҷилавгирӣ аз раванди қочоқи инсон ва муҳоҷирати ғайриқонунӣ мубодилаи афкор намуданд.

Ҷонибҳо дар пасманзари афзоиши бесобиқаи кишти кӯкнор дар қаламрави Ҷумҳурии Исломии Афғонистон ба зарурати таҳким бахшидан ба ҳамкорҳо дар сатҳи минтақа ва ҷаҳон таъкид карданд.

© 2018 Вазорати корҳои хориҷии Ҷумҳурии Тоҷикистон
© 2018 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj