Тоҷикӣ | Русский | English  

Мулоқоти Вазири корҳои хориҷии Тоҷикистон бо Вазири корҳои хориҷии Давлати Фаластин

Вазири корҳои хориҷии Ҷумҳурии Тоҷикистон 26 июли соли 2018 Вазири корҳои хориҷӣ ва муҳоҷирини Давлати Фаластин д-р Риёз Моликӣ ва ҳайати ҳамроҳи ӯро ба ҳузур пазируфт.

Дар рафти мулоқот ҷонибҳо масоили вобаста ба густариши ҳамкориҳо дар соҳаҳои иқтисоду тиҷорат, илму фарҳанг, сайёҳӣ, мубориза бар зидди терроризму экстремизм, инчунин ҳамкориҳоро дар чорчӯби созмонҳои байналмилаливу минтақавӣ мавриди баррасӣ қарор доданд.

Ҳамчунин ҷонибҳо барои таъсиси Комиссияи муштараки байниҳукуматӣ оид ба ҳамкориҳои иқтисодию тиҷоратӣ ва илмию техникӣ изҳори ҳавасмандӣ намуда, ба мувофиқа расидаанд, ки санадҳои дар баррасии ҷонибҳо қарордошта ҳарчӣ зудтар ба имзо расанд.

© 2018 Вазорати корҳои хориҷии Ҷумҳурии Тоҷикистон
© 2018 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj