Тоҷикӣ | Русский | English  

Муолоқоти Сафири Тоҷикистон бо Президенти РОТОБО

12 апрели соли 2019 Сафири Фавқулода ва Мухтори Ҷумҳурии Тоҷикистон дар Япония Мирзошариф Ҷалолов бо Президенти Ассотсиатсияи тиҷорат бо Россия ва кишварҳои Иттиҳоди Давлатҳои Мустақил (ROTOBO) - Раиси Шӯрои мудирони ширкати «Kawasaki Heavy Industries» ҷаноби Шигэру Мураяма мулоқот намуд.

Зимни он ҷонибҳо доир ба татбиқи натиҷаҳои мулоқотҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо доираи соҳибкорони Япония зимни сафари расмӣ ба Япония (5 октябри соли 2018), дурнамои рушди ҳамкориҳои тиҷоратӣ-иқтисодӣ, роҳандозии робитаҳои шарикӣ миёни соҳибкорони ду кишвар ва роҳҳои таҳкими минбаъдаи ин ҳамкориҳо мубодилаи афкор намуданд.

Дар ин росто, ҷонибҳо зарурати фаъол намудани роҳҳои мухталифи ҳамкорӣ, аз ҷумла ташкили анҷуманҳои соҳибкорӣ, роҳандозии робитаҳои мустақим миёни РОТОБО ва сохторҳои соҳавии Тоҷикистонро қайд намуданд.

 

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj