Тоҷикӣ | Русский | English  

Мулоқоти Сафири Тоҷикистон бо Сардори Мақомоти ҳамоҳангсози миллии зиддитерроризми Вазорати корҳои дохилаи Покистон

2 майи соли 2019 Сафири Ҷумҳурии Тоҷикистон дар Ҷумҳурии Исломии Покистон Исматулло Насредин бо Сардори Мақомоти ҳамоҳангсози миллии зиддитерроризми Вазорати корҳои дохилаи Ҷумҳурии Исломии Покистон Меҳр Холид мулоқот анҷом дод.

Зимни мулоқот масъалаҳои таҳкиму тавсеа бахшидани ҳамкориҳои самараноки дуҷониба дар самти мубориза бо терроризм дар минтақа, роҳҳои ба эътидол овардани вазъи низомию сиёсӣ дар минтақа, мусоидат дар таъмини суботу оромии Афғонистони ҳамсоя, муборизаи муштарак бо терроризми байналмилалӣ ва монанди инҳо, муҳокима гардиданд.

Мулоқоту гуфтушунидҳо дар фазои дӯстона ва ҳусни тафоҳум сурат гирифтанд, ки барои вусъати тоза бахшидани муносибатҳои шарикона дар шароити кунунӣ ва оянда мусоидат хоҳад кард.
        

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj