Тоҷикӣ | Русский | English  

Вохӯрии Сафири Тоҷикистон бо Муовини вазири корҳои хориҷии Арабистони Саудӣ

2 майи соли 2019 дар Риёз Сафири Ҷумҳурии Тоҷикистон Заробиддин Қосимӣ бо Муовини вазири корҳои хориҷии Арабистони Саудӣ дар умури дипломатияи умумӣ  Сауд ибни Солеҳ Котиб мулоқот намуд.

Дар вохӯрӣ маҷмӯи васеи масоили вобаста ба ҳамкории ду кишвар баррасӣ шуд. Таваҷҷуҳи зиёд ба густариши ҳамкории  фарҳангӣ, аз ҷумла доир намудани Рӯзҳои фарҳангии Тоҷикистон, ки дар семоҳаи чоруми соли 2019 ба нақша гирифта шудааст, зоҳир гардид. Ҷониби саудӣ аз сатҳи баланди пазироии Рӯзҳои фарҳангии Подшоҳӣ дар Тоҷикистон, ки моҳи майи соли 2018 баргузор гардида буд, изҳори сипос намуд.

Бо ишора ба аҳаммияти зиёди робитаҳои фарҳангӣ, ҳар ду ҷониб изҳори умедворӣ намуданд, ки Рӯзҳои фарҳангии Тоҷикистон низ дар сатҳи муносиб баргузор гардида, ба густариши муносибатҳои  дӯстию ҳамкорӣ байни ду кишвар ва мардумони онҳо саҳм гузорад.  

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj