Тоҷикӣ | Русский | English  

Вохӯрии Муовини якуми вазири корҳои хориҷии Тоҷикистон бо Сафири Русия

4 июни 2019 дар Душанбе вохӯрии Муовини якуми вазири корҳои хориҷии Ҷумҳурии Тоҷикистон Хусрав Нозирӣ бо Сафири Фавқулода ва Мухтори Федератсияи Русия дар Ҷумҳурии Тоҷикистон Игор Лякин-Фролов баргузор гардид.

Дар рафти мулоқот ҷонибҳо вазъи кунунӣ ва дурнамои густариши муносибатҳои дуҷониба ва бисёрҷонибаи Тоҷикстон ва Русияро мавриди баррасӣ қарор доданд.

Дар ин росто натиҷаҳои муваффақонаи сафари давлатии Президенти Ҷумҳурии Тоҷикистон ба Федератсияи Русия, ки моҳи апрели соли равон доир шуд, таъкид гардид.

Мусоҳибон бар он буданд, ки барои татбиқи тавофуқҳое, ки дар сатҳи олӣ ҳосил шуданд, фаъол гардондани ҳамкориҳо дар тамоми заминаҳо зарурӣ мебошад.

Вохӯрӣ чун анъана ва дар фазои ҳусни тафоҳум сурат гирифт.

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj