Тоҷикӣ | Русский | English  

Мулоқоти муовини Вазири корҳои хориҷӣ бо Вазири тиҷорати Покистон

4 майи соли 2015 муовини Вазири корҳои хориҷӣ Низомиддин Зоҳидӣ бо Вазири федеролии тиҷорати Ҷумҳурии исломии Покистон Хуррам Дастгир Хан мулоқот анҷом дод.

Дар мулоқот ҷонибҳо вазъи кунунӣ ва дурнамои муносибатҳои иқтисодӣ ва тиҷоратии ду кишварро мавриди табодули назар қарор дода, аҳамияти созишномаи сеҷонибаи транзитӣ байни Тоҷикистон, Афғонистон ва Покистонро, ки матни он барои тақвияти тиҷорат дар минтақа дар доираи ҷаласаҳои коршиносони се кишвар мавриди баррасӣ қарор гирифта истодааст, таъкид карданд.

Ҷонибҳо манфиатдории худро ба истифодаи иқтидорҳои мавҷуда ҷиҳати афзоиши ҳаҷми табодули мол миёни ду кишвари дӯст баён карданд.

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj