Тоҷикӣ | Русский | English  

Мулоқоти Сафири Тоҷикистон бо Губернатори Қоҳира

26 майи 2015 устондори Қоҳира Ҷалол Саид Сафири Тоҷикистон дар Миср Хусрав Нозириро ба ҳузур пазируфт.

Дар мулоқот масъалаҳои гуногуни мавриди эҳтимоми муштарак баррасӣ гардиданд. Дар партави густариши муносибатҳои ҳасанаи дуҷонибаи Тоҷикистону Миср аҳаммияти барқарор намудани робитаҳои ҳамкорӣ байни пойтахтҳои ду кишвар таъкид шуд.

Қоҳира, ки ҳоло беш аз 10 млн нафар аҳолӣ дорад, дар соли 969 дар канори рӯди Нил бунёд гардида, дорои осори фаровони арзишманди таърихӣ мебошад. Мутафаккири бузурги тоҷик Носири Хусрав дар қарни ХI мелодӣ аз пойтахти Фотимиён боздид намуда, Қоҳираро дар “Сафарнома”-и худ шаҳре камназир меномад.

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj