Тоҷикӣ | Русский | English  

Сафари кории Сафири Тоҷикистон ба Донишгоҳи Кембриҷ

10 майи соли ҷорӣ сафари кории Сафири Ҷумҳурии Тоҷикистон дар Подшоҳии Муттаҳидаи Британияи Кабир ва Ирландияи Шимолӣ Масуд Халифазода ба Донишгоҳи Кембриҷ сурат гирифт.

Сафири Тоҷикистон бино ба даъвати мудири Форуми Кембриҷ дар умури Осиёи Марказӣ, корманди илмии озмоишгоҳи Кевиндиш профессор Монту Саксена аз озмоишгоҳи Кевиндиши донишгоҳи мазкур боздид намуда, бо фаъолият ва икониятҳои он муассиса шинос шуд.

Дар Маркази пажӯҳишҳои рушди Донишгоҳи Кембриҷ мулоқоти Сафир бо пажӯҳишгарон, ки аксарияти мавзӯъҳои илмии онҳо ба минтақаи Осиёи Марказӣ ихтисос дорад, сурат гирифт. Сафир ба ҳозирин дар бораи имкониятҳои Ҷумҳурии Тоҷикистон маълумот дод.

Гузашта аз ин вохӯриҳои Сафири Тоҷикистон бо профессор Лорд Роберт Майер, Мудири пажӯҳишгоҳи Донишгоҳи Кембриҷ, хонум Кристин Ван-Руймбеке , Роҳбари бахши форсии Донишгоҳи Кембриҷ баргузор шуданд. Дар он вохӯриҳо пиромуни масъалаҳои густариши ҳамкориҳои дуҷониба дар соҳаи илм, фанноварӣ ва навоварӣ, табодули донишҷӯён, муҳаққиқон ва олимон миёни Донишгоҳи Кембриҷ ва муассисаҳои илмию таҳқиқотии Тоҷикистон, инчунин анҷом додани корҳои илмӣ ва таҳқиқотӣ мубодилаи афкор сурат гирифт.

 

 

© 2019 Вазорати корҳои хориҷии Ҷумҳурии Тоҷикистон
© 2019 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj