Тоҷикӣ | Русский | English  

Вохӯрӣ бо Вазири давлатии корҳои хориҷии Қатар

11 феврали соли 2018 Сафири Ҷумҳурии Тоҷикистон дар Давлати Қатар Хисрав Соҳибзода бо Вазири давлатии корҳои хориҷии ин кишвар Султон Саъд ал-Мурайхӣ мулоқот намуд.

Дар рафти суҳбат масъалаҳои мубрами рушди робитаҳои Тоҷикистон ва Қатар дар заминаҳои сиёсӣ, иқтисодию тиҷоратӣ ва иҷтимоӣ баррасӣ шуданд. Ҷонибҳо ҳамчунин атрофи ҳамкориҳои дуҷониба ва бисёрҷониба дар самти мубориза бо чолишҳои амнияти минтақавию ҷаҳонӣ, бахусус аҳамияти тақвияти муборизаи дастаҷамъона алайҳи терроризму ифротгароӣ табодули назар намуданд.

Сафир даъватномаи ҷониби Тоҷикистонро ба Вазири корҳои хориҷии Давлати Қатар ҷиҳати иштирок дар Конфронси байналмилалӣ “Мубориза бар зидди терроризм ва радикализм”, ки дар шаҳри Душанбе 3-4 майи соли 2018 баргузор мегардад, супорид. Даъватнома бо арзи сипос пазируфта шуд.





 


© 2018 Вазорати корҳои хориҷии Ҷумҳурии Тоҷикистон
© 2018 Суроға: Ҷумҳурии Тоҷикистон, 734001, Душанбе, кӯчаи Шероз 33
тел: (992 37) 2210551 (шӯъбаи умумӣ), (992 37) 2211808 (қабулгоҳ)
факс: (992 37) 2210259 E-mail: info@mfa.tj