Azərbaycan Respublikasının Prezidenti İlham Əliyevlə görüş

Sentyabrın 14-də Tacikistan Respublikası Hökumətinin Şəhər İqamətgahında Sülh və Milli Bərabərliyin banisi - Millətin Lideri Tacikistan Respublikasının Prezidenti hörmətli Emoməli Rəhmonun  Mərkəzi Asiya Dövlət Başçılarının 5-ci Məşvərət görüşündə fəxri qonaq qismində iştirak edən Azərbaycan Respublikasının Prezidenti hörmətli İlham Əliyevlə görüşü olub. 

Görüş zamanı Tacikistan və Azərbaycan arasında ikitərəfli əməkdaşlığa dair kompleks məsələlər müzakirə olunub.

Tacikistanda yüksək səviyyəli qonağı salamlayan Tacikistan Respublikasının Prezidenti hörmətli Emoməli Rəhmon Azərbaycan Respublikası Prezidentinin Mərkəzi Asiya dövlət başçılarının tədbirində iştirakının iki ölkə arasında əlaqələrin inkişafına təkan verən amilə çevriləcəyinə əminliyini bildirib.

Görüşdə tərəflər Azərbaycan Prezidentinin bu ilin may ayında Tacikistana dövlət səfəri zamanı əldə olunmuş razılaşmaların həyata keçirilməsinə dair məsələləri, habelə prioritet istiqamətlərdə, o cümlədən ticarət-iqtisadi, mədəni-humanitar və digər qarşılıqlı faydalı sahələrdə əlaqələrin möhkəmləndirilməsi məsələlərini müzakirə ediblər.

Görüşdə həmçinin beynəlxalq və regional gündəlikdə duran məsələlər ətrafında fikir mübadiləsi aparılıb.