Tacikistan Səfirinin Azərbaycan Parlamentinin Sədri ilə görüşü

18 yanvar 2024-cü il tarixində Tacikistan Respublikasının Azərbaycan Respublikasındakı səfiri İlxom Abduraxmon Azərbaycan Respublikasının Milli Məclisinin sədri Sahibə Qafarova ilə görüşüb. 

Tərəflər Tacikistan və Azərbaycan arasında parlamentlərarası əlaqələrin mövcud vəziyyəti və gələcək inkişafı, o cümlədən parlamentlərarası mexanizmlər vasitəsilə müxtəlif sahələrdə ikitərəfli əməkdaşlığın gücləndirilməsi perspektivləri haqqında fikir mübadiləsi aparıblar.

Görüş zamanı hər iki ölkənin parlamentlərinin komitələri, parlamentlərarası dostluq qrupları və komissiyaları arasında qarşılıqlı səfərlərin təşkili və işgüzar əlaqələrin gücləndirilməsi məsələləri müzakirə olunub.