Tacikistan Respublikasının nümayəndə heyətinin İƏT-ə üzv ölkələrin turizm nazirlərinin 7-ci görüşündə iştirakı

29 aprel 2026-cı il tarixində Şuşa şəhərində İqtisadi Əməkdaşlıq Təşkilatının (İƏT) Turizm Nazirlərinin 7-ci görüşü keçirilmişdir. Görüş çərçivəsində Şuşa Bəyannaməsi qəbul olunmuş və Şuşa şəhəri rəsmi olaraq 2026-cı il üçün "İƏT-in turizm paytaxtı" elan edilmişdir.

Tacikistan Respublikasını bu tədbirdə Tacikistan Respublikasının Azərbaycan Respublikasındakı səfiri Ilxom Abduraxmon və Turizmin İnkişafı üzrə Komitənin eksperti təmsil etmişlər.

Tədbir zamanı aparılan müzakirələrdə turizmin davamlı inkişafı, turizm istiqamətlərinin şaxələndirilməsi və regional əməkdaşlığın genişləndirilməsi məsələlərinə toxunulmuşdur.

Proqram çərçivəsində həmçinin İƏT-ə üzv ölkələrin milli mətbəx festivalı keçirilmiş, burada müxtəlif milli yemək nümunələri təqdim olunmuşdur. Düşənbə şəhərinin Plov Mərkəzinin aşpazları tərəfindən hazırlanan ənənəvi tacik yeməkləri tədbir iştirakçıları tərəfindən yüksək qiymətləndirilmişdir