Bakı şəhərində Düşənbə su konfransına həsr olunmuş brifinq keçirilmişdir

6 may 2026-cı il tarixində Bakı şəhərində yerləşən Beynəlxalq Münasibətlərin Təhlili Mərkəzində Tacikistan Respublikasının Azərbaycan Respublikasındakı Səfirliyi tərəfindən 25–28 may 2026-cı il tarixlərində Düşənbə şəhərində “Davamlı inkişaf üçün su, 2018–2028” Beynəlxalq Fəaliyyət Onilliyi çərçivəsində təşkil olunacaq 4-cü Yüksək Səviyyəli Beynəlxalq Konfransa hazırlığa həsr olunmuş brifinq keçirilmişdir.

Tacikistan Respublikasının Azərbaycan Respublikasındakı səfiri İlxom Abduraxmon çıxış edərək iştirakçıları Tacikistan Respublikası Hökuməti tərəfindən həyata keçirilən Konfransa hazırlıq prosesi barədə məlumatlandırmış, onun əsas məqsəd və istiqamətlərini vurğulamışdır.

Səfir, həmçinin su ehtiyatlarından səmərəli istifadə və dayanıqlı inkişaf sahəsində beynəlxalq səylərin birləşdirilməsinin vacibliyini vurğulamış, gələcək Konfransın aktual su və iqlim məsələləri üzrə dialoq, təcrübə mübadiləsi və praktiki həllərin hazırlanması üçün mühüm platforma olacağını qeyd etmişdir. Tematik sessiyalar, paralel tədbirlər, forumlar və mədəni proqramı əhatə edən tədbir proqramına xüsusi diqqət yetirilmişdir.

Tədbirdə Azərbaycan Respublikasının dövlət qurumlarının nümayəndələri, Azərbaycanda akkreditə olunmuş diplomatik korpusun rəhbərləri, beynəlxalq və regional təşkilatların nümayəndələri, eləcə də kütləvi informasiya vasitələrinin təmsilçiləri iştirak etmişlər.