در تاریخ 17 دسامبر سال 2020 ملاقات سفیر جمهوری تاجیکستان در جمهوری اسلامی افغانستان سعدی شریفی با نمایندگان اتاقهای تجارت و صنایع افغانستان برگزار گردید.
تاجران افغانی تاکید نمودند که هزارها افغان که سرمایه کلان دارند میخواهند در تاجیکستان سرمایهگذاری کنند زیرا این کشور آرام و همسایه نزدیک است، تاجران دو کشور زبان همدگر را میفهمند و از همه مهم برای یكدیگر بیگانه نیستند .آنها در این راستا خواستار به وجود آوردن شرایط و امتیاز از طرف تاجیکستان برای تاجران و سرمایه گذاران کلان افغانستان شدند.
ذکر شد که در افغانستان بتدریج امید مردم به صلح دیرانتظار زیاد میشود .از این رو فرصتی فرا رسیدهاست که زمینههای مساعد برای راه اندازی همکاریهای متقابلاً سودمند میان تاجیکستان و افغانستان فراهم آورده شوند.
سفیر جمهوری تاجیکستان سعدی شریفی ضمن معرفی فضای سرمایه گذاری تاجیکستان و شرایط و امکانات مساعدی که دولت ما فراهم آوردهاست، تاجران کشور دوست را به سرمایه گذاری در تاجیکستان با رعایه قانون و معیارهای کشورمان تشویق نمود.