قدردانی رییس جمهوری اسلامی افغانستان از حکومت تاجیکستان

04.04.2021 00:36

عصر روز 3 مارچ سال 2021 رییس جمهوری اسلامی افغانستان محمد اشرف غنی با سفیران و نمایندگان کشور‌های همسایه، منطقه و اسلامی در اقامتگاه خود در کابل ملاقات دایر نمود . در ملاقات معاونان اول و دوم رییس جمهور امرالله صالح و سرور دانش، همچنین مشاور امنیت ملی حمدالله محب، وزیر امور خارجه محمدحنیف اتمر، رییس عمومی دفتر ریاست جمهوری شاكر کار‌گر و دیگر مقامات رسمی افغانستان حضور داشتند.

غنی در ابتدا سفر رسمی خود را به تاجیکستان (29 و 30 مارچ) بسیار باهمیت و برای هرد و کشور مفید خواند. سپس وی از حکومت جمهوری تاجیکستان به خاطر میزبانی سطح عالی و برگزاری موفقانه کنفرانس نهم وزرای امور خارجه “قلب آسیای - روند استانبول” (30 مارچ) قدردانی نمود.

رییس جمهوری اسلامی افغانستان در ادامه نقشه راه حکومت افغانستان را برای صلح با گروه طالبان در آستانه نشست صلح افغانستان در استانبول ترکیه (16 اپریل) معرفی کرد. وی در این راستا تاکید نمود که خواهان تغییر قدرت در کشور تنها از طریق قانون اساسی است و به این منظور حاضر است انتخابات زودهنگام ریاست جمهوری (اگر ضرور باشد حتی در مدت سه یا شش ماه آینده) برگزار نماید. غنی تاکید کرد که تشکیل حکومت موقت در افغانستان چنانی بعضی کشور‌ها می‌خواهند، در اصل بازگشت به 20 سال پیش است و برای مردم فایده ندارد.

Didor-bo-GHani-03-04-21.jpeg

 

گالری

Calendar

  • business-portal_thumb.jpg