ملاقات سفیر تاجیکستان با معاون اول رییس جمهوری اسلامی افغانستان

در تاریخ 18 اپریل در شهر کابل ملاقات سفیر تاجیکستان در افغانستان سعدی شریفی با معاون اول رییس جمهوری اسلامی افغانستان امر الله صالح دایر گردید.

صالح در ابتدا قدردانی رییس جمهوری اسلامی افغانستان محمد اشرف غنی را از تاجیکستان به خاطر استقبال گرم از رییس جمهوری اسلامی افغانستان و میزبانی سطح عالی کنفرانس نهم وزیران “قلب آسیا - روند استانبول” (29 - 30 .03 .2021 ) به جانب تاجیکستان رساند . وی در ادامه تاکید نمود که رابطه میان تاجیکستان و افغانستان رابطه خاص بوده و ریشه در مشترکات تاریخی و فرهنگی دارد و دو کشور در همه سازمان‌های منطقه‌ای و بین‌المللی پشتیبان یكدیگر هستند. امرالله صالح ابراز داشت طبق توافق سران تاجیکستان و افغانستان در دوشنبه، دو کشور همکاری خود را برای رفع تهدید‌های مشترک در سرحد بیش از پیش تقویت می بخشند.

سفیر تاجیکستان سعدی شریفی ضمن صحبت توجه خاص پرزیدنت جمهوری تاجیکستان محترم امامعلی رحمان را به موضوع افغانستان یاد‌آور شد و حمایت‌های دائمی تاجیکستان را از دولت افغانستان در تمام بخشها بخصوص در روند كنونی صلح بار دیگر مورد تاکید قرار داد.

جانب‌ها در ادامه راجع به وضع جاری افغانستان و منطقه و آینده روابط دوجانبه تبادل نظر نمودند.