استقبال دولت جمهوری اسلامی افغانستان از اظهارات رئیس جمهوری تاجیکستان

جمهوری اسلامی افغانستان از اظهارات پرزیدنت جمهوری تاجیکستان، پیشوای ملّت محترم امامعلی رحمان در باره وضعیت افغانستان ابراز سپاس نمود. در بیانیه دولت افغانستان، که 25 جولای سال 2021 در سامانه رسمی وزارت امور خارجه این کشور نشر گردید، چنین گفته می‌شود:

"جلالتمآب اما‌م‌علی رحمان، رئیس جمهوری تاجیکستان، طی سخنرانی‌اش به سربازان آن کشور امیدواری خویش را مبنی بر برقراری صلح و آرامی در افغانستان اعلام نمود. وی افزود که رهبران افغانستان در گذشته با وجود آنکه در قلمرو افغانستان جنگ‌های شدید جریان داشت، به‌خاطر تأمین صلح در تاجیکستان میانجیگری کردند که در نتیجۀ آن در روند مذاکرات آن کشور تحول همه‌جانبه به میان آمد.

دولت جمهوری اسلامی افغانستان از حسن نیت و حمایت همیشگی کشور دوست و برادر تاجیکستان سپاسگزاری نموده و یک بار دیگر بر اهمیت تقویت اجماع منطقه‌یی برای مبارزه با تروریزم و افراط‌گرایی خشونت‌آمیز که تهدید مشترک برای کشورهای منطقه و جهان می‌باشد، تأکید می‌کند".