ملاقات سفیر با رئیس ریاست سوّم سیاسی وزارت امور خارجه افغانستان

بتاریخ 26 جولای سال 2021 در وزارت امور خارجه افغانستان ملاقات سفیر تاجیکستان سعدی شریفی با رئیس تازتعیین ریاست سوّم سیاسی این وزارت محمّد نعیم پویش با درخواست جانب افغانی برگزار گردید. 

 در آغاز صحبت آقای پویش از همکاری برادرانه دولت تاجیکستان در پناه دادن به فراریان اجباری جنگ از افغانستان، همچنین از اظهارات خیرخواهانه پیشوای ملّت محترم امامعلی رحمان در باره وضعیت افغانستان (ضمن سخنرانی 22 جولای در نزد افسران و سربازان تاجیک) اظهار سپاس نمود. وی در ادامه‌ تأکید کرد که پس از بازگشت از ماموریت خارجی و شروع به فعالیّت رئیسی در ریاست سوّم وزارت خارجه افغانستان (ریاست همکاری با کشورهای روسیه، بلاروس، اکراین، چین، آسیای مرکزی و قفقاز) اوّلین چیزی که مشاهده کرد این است که تاجیکستان در بالاترین درجه اهمیت در سیاست خارجی افغانستان قرار دارد.

 سفیر تاجیکستان آقای شریفی روابط تاجیکستان و افغانستان را دارای زمینه‌های قوی تاریخی و ارزشها و عمومیتهای فراوان دانسته و سیاست تغییر‌ناپذیر تاجیکستان را در مورد حمایت از مردم افغانستان در همه گونه شرایط مورد تأکید قرار داد. وی افزود که روابط تاجیکستان با افغانستان تحت نظر خاص پیشوای ملّت، پرزیدنت کشور محترم امامعلی رحمان قرار دارد.

 در ادامه‌ ملاقات دو جانب روند اجرای برنامه عمل وزارتهای امور خارجه دو کشور، سایر اسناد امضاشده، همچنین سندهای آماده برای امضا را مورد بررسی قرار دادند.