Иштироки муовини вазири корҳои хориҷӣ дар нишасти Шӯрои вазирони САҲА

30 ноябри соли 2023 дар шаҳри Скопйеи Македонияи Шимолӣ муовини вазири корҳои хориҷии Ҷумҳурии Тоҷикистон Содиқ Имомӣ дар нишасти 30-юми Шурои вазирони корҳои хориҷии кишварҳои ширкаткунандаи Созмони амният ва ҳамкорӣ дар Аврупо (САҲА) иштирок ва суханронӣ намуд.

Дар суханронии хеш С. Имомӣ дар баробари авлавиятҳои Тоҷикистон дар се ченаки фаъолияти САҲА – сиёсӣ-низомӣ, иқтисодӣ-муҳитзистӣ ва инсонӣ, инчунин доир ба чолишҳои умдаи ҷаҳони муосир, аз қабили мубориза алайҳи терроризму ифротгароӣ ва тағйирёбии иқлим изҳори назар кард.

Муовини вазири корҳои хориҷӣ ҳамчунин аз кӯшишҳои барои таҳкими самаранокии САҲА равонашуда истиқбол намуда, омодагии Тоҷикистонро ҷиҳати роҳандозии ҳамкориҳои созанда бо САҲА ва ниҳодҳои он бо мақсади таъмини сулҳ ва рушд дар минтақаи Созмон иброз дошт.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan