Вохӯрии вазири корҳои хориҷӣ бо вазири федеролии тағйирёбии иқлим ва ҳамоҳангсозии муҳити зисти Покистон
25 майи соли 2025 мулоқоти вазири корҳои хориҷии Ҷумҳурии Тоҷикистон Сироҷиддин Муҳриддин бо вазири федеролии тағйирёбии иқлим ва ҳамоҳангсозии муҳити зисти Ҷумҳурии Исломии Покистон Мусадиқ Масъуд Малик, ки ҳайъати ин кишварро дар Конфронси 4-уми байналмилалии сатҳи баланд оид ба даҳсолаи байналмилалии амал “Об барои рушди устувор” солҳои 2018-2028 роҳбарӣ менамояд, баргузор гардид.
Зимни мулоқот ҷонибҳо перомуни рушди ҳамкориҳои дуҷониба, хусусан дар самти обу иқлим мубодилаи афкор намуда, омодагии худро барои таҳкими ҳамкориҳои минтақавӣ ва дар арсаи байналмилалӣ иброз намуданд.
Мусадиқ Малик ба ташаббусҳои глобалии Президенти Ҷумҳурии Тоҷикистон дар соҳаи обу иқлим, ки барои эҷоди заминаи устувори байналмилалии ҳамкориҳои мудирияти маъалаҳои об ва рушди устувор роҳандозӣ шудаанд, баҳои баланд дод.
Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:
Мо дар Фейсбук: www.facebook.com/mfa.tj
Мо дар Твиттер (русӣ): www.twitter.com/MID_Tajikistan
Мо дар Телеграм: t.me/mfa_tj
Мо дар Инстаграм: instagram.com/mfa_tjk
Мо дар Твиттер (англисӣ): twitter.com/MOFA_Tajikistan
