Супурдани нусхаи эътиборномаҳои Сафирони навтаъйини Фавқулода ва Мухтор ба Вазири корҳои хориҷии Ҷумҳурии Тоҷикистон
06.03.2014 14:00
5 марти соли 2014 Вазири корҳои хориҷии Ҷумҳурии Тоҷикистон Сироҷидин Аслов Сафирони навтаъйини Фавқулода ва Мухтори Амороти Муттаҳидаи Араб Суҳайл Матар Саид Ҳаза ал-Катбӣ, Ҷумҳурии Судон Муҳаммад Илёс Муҳаммад Илҳоқ, Давлати Фаластин Муҳаммад Таршаҳонӣ, Ҷумҳурии Мисри Араб Муҳаммад Абдусаттор Муҳаммад ал-Бадрӣ ва Ҷумҳурии Корея Ли Ук-хёнро ба муносибати супурдани эътиборномаҳо ба ҳузур пазируфт.
Дар ҷараёни мулоқотҳое, ки сурат гирифтанд, масъалаҳои дурнамои густариши ҳамкориҳои дуҷониба байни Тоҷикистон ва кишварҳои мазкур дар заминаҳои гуногун баррасӣ гардиданд.
