Мулоқоти Вазири корҳои хориҷӣ бо муовини Дабири кулли СММ
10.07.2015 15:19
Имрӯз, 10 июли соли 2015 дар шаҳри Уфа дар ҳошияи иштирок дар ҷаласаи Шӯрои сарони давлатҳои аъзои Созмони ҳамкории Шанхай (СҲИ) Вазири корҳои хориҷии Ҷумҳурии Тоҷикистон Сироҷидин Аслов бо муовини Дабири кулли Созмони Милали Муттаҳид оид ба масъалаҳои сиёсӣ Ҷефри Фелтман вохӯрӣ барпо намуд.
Дар рафти вохӯрӣ ҷонибҳо атрофи масъалаҳои мубрами ҳамкорӣ миёни Тоҷикистону СММ табодули назар карда, инчунин масъалаҳои Рӯзномаи иҷлоси навбатии Маҷмаи Созмони Милали Муттаҳидро баррасӣ намуданд.
