Сафари расмии Пешвои миллии халқи туркман — Раиси Халқ Маслиҳатии Туркманистон Гурбонгулӣ Бердимуҳамедов дар Ҷумҳурии Тоҷикистон анҷом ёфт

Бо нишони эҳтирому самимияти баланд меҳмони олиқадрро Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гусел намуданд.

Ёдовар мешавем, ки сафари расмии Пешвои миллии халқи туркман рӯзҳои 4-5 апрел ҷараён гирифта, аз рӯйи натиҷаҳои мулоқоту музокироти сатҳи олӣ байни ду давлат 5 санади нав доир ба ҳамкорӣ дар бахшҳои сиёсат, омодасозии кадрҳои дипломатӣ, сохтмон, илм, зилзиласанҷӣ ва бародаршаҳрӣ миёни Хуҷанд ва Аргадаг ба имзо расид.

Ҳамчунин дар доираи ин сафар ва дар чаҳорчӯби рӯзҳои фарҳанги Туркманистон дар Тоҷикистон барномаи рангини консертии устодони санъати ду давлат «Шоми дӯстӣ» баргузор гардид.

https://khovar.tj/2024/04/safari-rasmii-peshvoi-millii-hal-i-turkman-raisi-hal-masli-atii-turkmaniston-gurbongul-berdimu-amedov-dar-um-urii-to-ikiston-an-om-yoft/