Вохӯрии Сафир бо Вазири кишоварзии Озарбойҷон
01.11.2023 09:23
31 октябри соли 2023 мулоқоти Сафири Ҷумҳурии Тоҷикистон дар Ҷумҳурии Озарбойҷон Илҳом Абдураҳмон бо Вазири кишоварзии Ҷумҳурии Озарбойҷон Маҷнун Мамедов сурат гирифт.
Зимни мулоқот тарафҳо вазъи кунунии муносибатҳо ва дурнамои рушди ҳамкориҳоро дар соҳаи кишоварзӣ мавриди муҳокима қарор доданд.
Ҷонибҳо омодагии худро ҷиҳати рушди ҳамкориҳои дуҷониба дар соҳаҳои кишоварзӣ, аз ҷумла, омода намудани кадрҳо, омӯзиш ва табодули таҷриба дар рақамикунии соҳаи кишоварзӣ, иштирок дар Конфронс ва намоишгоҳҳои соҳавӣ, гузаронидани ҷаласаи дуюми гуруҳҳои кории вазоратҳо таъкид карданд.
