Боздиди кории Сафири Тоҷикистон аз музофоти федероли Тюрингия
25 январи соли 2023 Сафири Тоҷикистон дар Олмон Имомудин Сатторов аз музофоти федеролии Тюрингия боздиди корӣ анҷом дод.
Дар доираи сафари худ Сафир бо Сарвазири музофоти федеролӣ Бодо Рамелов мулоқот кард.
Дар меҳвари гуфтугӯ тақвияти равобити минбаъда миёни Тоҷикистон ва Тюрингия, бахусус дар бахшҳои иқтисод ва маориф қарор доштанд.
Дар идомаи боздид Сафири Тоҷикистонро шаҳрдори Эрфурт (пойтахти Тюрингия) Андреас Баузевайн ба ҳузур пазируфт.
Баъд аз гузоштани соядаст дар китоби меҳмонони фахрӣ Сафир ва шаҳрдори Эрфурт роҷеъ ба ҳамкориҳои минбаъда табодули афкор анҷом доданд.
Мулоқоти дигар бо мудири иҷроияи Агентии давлатии рушди Тюрингия (LEG Thüringen) Андреас Крей баргузор гардид.
Зимни вохӯрӣ имкониятҳои густариши минбаъдаи робитаҳои иқтисодии дуҷониба, аз ҷумла ҷалби сармояи олмонӣ ва танзими чорабиниҳои муштараки тиҷоратӣ дар марҳилаҳои баъдӣ баррасӣ шуданд.
