Муовини якуми вазир нусхаи эътимодномаи Сафири Ҷумҳурии Финландияро пазируфт

3 сентябри соли 2026 муовини якуми вазири корҳои хориҷии Ҷумҳурии Тоҷикистон Фаррух Ҳамрализода нусхаи эътимодномаи Сафири навтаъйини Фавқулода ва Мухтори Ҷумҳурии Финландия дар Ҷумҳурии Тоҷикистон бо иқоматгоҳ дар шаҳри Хелсинки  хонум Мария Агренро қабул кард.

Ҷонибҳо роҷеъ ба ҳолати кунунии робитаҳои дуҷониба ва густариши минбаъдаи онҳо, шарикӣ дар доираи Иттиҳоди Аврупо ва дигар созмонҳои байналмилалӣ мубодилаи афкор намуданд.

Муовини якуми вазири корҳои хориҷӣ сафири Финландияро ба муносибати ба ин вазифа таъйин гардиданаш табрик гуфта, ба ӯ дар амалӣ намудани рисолати дипломатиаш дар Тоҷикистон комёбиҳо орзу намуд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan

Мо дар Youtube: https://www.youtube.com/@mfa_tj