Иттилоия оид ба парвози чартерӣ

Ба таваҷҷуҳи шаҳрвандони Тоҷикистон, ки дар ҳудуди Олмон ва дигар кишварҳои Аврупо қарор доранду тасмими ба Тоҷикистон баргаштанро доранд, расонида мешавад, ки 8 июли соли 2020, соати 12.30 (ба вақти Германия) парвози чартерӣ тавассути хатсайри Франкфурт-Душанбе SZ102 сурат мегирад.

Фурӯши чиптаҳо мустақиман аз ҷониби ширкати “Сомон эйр” ба роҳ монда хоҳад шуд. Шаҳрвандон метавонанд барои иттилои бештар дар бораи нархи чипта ва харидорӣ мустақиман ба намояндагии ширкат  +992 44 640 40 40, +992 93 7777 459,  +992 93 777 7034 ,  +992 93 839 9393) муроҷиат намоянд.

Аз мусофирон дархост мегардад, ки ҳадди аққал 3 соат қабл аз парвози тайёра ба фурӯдгоҳи Франкфурт ам Майн ҳозир шаванд.

Ҳамзамон, ба диққати шаҳрвандоне, ки тавассути тайёра аз кишварҳои дигар ба Франкфурти Олмон парвоз мекунанд, расонида мешавад, ки қабл аз парвоз ба самти фурӯдгоҳи Франкфурт аз масъулони ширкати хизматрасон дархост намоянд, то бағоҷи онҳо аз маҳалли парвоз то ш. Душанбе ба расмиёт дароварда шуда, он дар Франкфурт ба  хатсайри SZ102 Франкфурт-Душанбе таҳвил дода шавад.

Дар сурати пайдо шудани ҳамагуна саволҳои иловагӣ, бахусус ҳангоми мавҷуд будани душвориҳо дар атрофи раводидҳои муҳлаташон анҷомёфта лутфан бо рақами мобилии +4915213073751 ба Сафорати Тоҷикистон дар Берлин тамос гиред. Зери ин шумора дар шабакаи мухобиротии WhatsApp низ гурӯҳи тамос таъсис дода шудааст.

Барои шинос шудан ба муқаррароти нав ҳангоми қарор доштан дар фурӯдгоҳҳои Олмон ва убури марз лутфан ба сомонаи Сафорат ворид шавед. www.mfa.tj/berlin

Хоҳишмандем, иттилои мазкурро ҳадалимкон ба нафарони хоҳишманд таҳвил (repost) диҳед.