Ройзаниҳои сиёсӣ миёни Тоҷикистон ва Лаҳистон
26.06.2021 09:31
25 июни 2021 дар Варшава даври нахустини ройзаниҳои сиёсӣ байни Ҷумҳурии Тоҷикистон ва Ҷумҳурии Лаҳистон зери роҳбарии Муовини вазири корҳои хориҷии Ҷумҳурии Тоҷикистон Музаффар Ҳусейнзода ва Муовини вазири корҳои хориҷии Ҷумҳурии Лаҳистон Мартсин Пшидач баргузор гардид.
Ҷонибҳо маҷмӯи васеи ҳамкориҳои Тоҷикистону Лаҳистонро дар сатҳи дуҷониба ва бисёрҷониба баррасӣ ва роҷеъ ба дурнамои муносибатҳои ду кишвар дар самтҳои мавриди эҳтимоми муштарак мубодилаи афкор намуданд.
