Президенти Ҷумҳурии Тоҷикистон Эмомалӣ Раҳмон Канслер Олаф Шолтсро табрик намуданд

13.12.2021 11:59

Olaf-SHolts-TOCHIKI-kopiya-2.jpgАсосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ирсоли барқияи табрикӣ Олаф Шолтсро ба муносибати интихоб ва таъийн шуданаш ба мақоми олии Канслери федералии Ҷумҳурии Федеративии Олмон табрик намуда, алоқамандии худро баҳри густариши ҳамаҷонибаи робитаҳои дӯстӣ ва ҳамкориҳои судманд бо Олмон иброз карданд:

«Ҷаноби Олӣ,

Бо камоли самимият Шуморо ба муносибати интихоб шуданатон ба мақоми олии Кантслери федералии Ҷумҳурии Федеративии Олмон табрик ва таҳният менамоям.

Бо ибрози беҳтарин таманниёт ба Шумо сиҳатмандии комил, дар пешбурди ваколатҳои тозаи пурмасъулиятатон ва дар амри татбиқи нақшаю барномаҳоятон ҷиҳати пешрафти Олмони дӯст дар соҳаҳои гуногуни ҳаёти ҷомеа, ҳамчунин тақвияти беш аз пеши обрӯву нуфузи он дар арсаи байналмилалӣ муваффақиятҳо орзумандам.

Тоҷикистон алоқаманди густариши ҳамаҷонибаи робитаҳои дӯстӣ ва ҳамкориҳои судманд бо Ҷумҳурии Федеративии Олмон яке аз кишварҳои калидии Иттиҳоди Аврупо мебошад. Дар ин замина мо хоҳони вусъати бештар бахшидан ба таъмиқу тавсеаи онҳо дар ҳама самтҳои мавриди таваҷҷуҳи тарафайн ҳастем.

Изҳори умед менамоям, ки бо саъю эҳтимоми муштарак шарикии гуногунҷанбаи кишварҳои мо минбаъд низ рушд ёфта, ба сатҳи сифатан нав бардошта хоҳанд шуд.

 Лутфан, Ҷаноби Олӣ, эҳтироми амиқи маро бипазиред»

http://president.tj/node/27358

Нигористон

Тақвим

  • business-portal_thumb.jpg