Вохӯрии Сафир бо Вазири муҳити зисти Миср
06.12.2022 15:35
6 декабр Сафири Ҷумҳурии Тоҷикистон дар Ҷумҳурии Арабии Миср Заробиддин Қосимӣ бо Вазири муҳити зисти Ҷумҳурии Арабии Миср Ясмин Фуод мулоқот намуд.
Дар вохӯрӣ масоили ҳамкории дуҷониба ва байналмилалии Тоҷикистону Миср дар соҳаи ҳифзи муҳити зист, пешгирӣ аз гармшавии иқлим, андешидани тадбирҳои муштарак ва ҳамоҳангӣ дар доираи шарокати обу иқлим баррасӣ шуд.
Таъкид гардид, ки Тоҷикистону Миср бо назардошти таҷрибаи ғании худ дар масоили глобалии обу иқлим метавонанд ба нафъи ду кишвар ва ҳамаи аҳолии кураи замин ҳамкорӣ ва ҳамдастии пурсамар дошта бошанд.
