Раводид

Раводид чист?

Раводид - иҷозатест, ки ба шаҳрванди хориҷӣ ва шахси бешаҳрванд ҳуқуқи убури Сарҳади давлатиро бо мақсади ворид гардидан ба Ҷумҳурии Тоҷикистон ё берун шудан аз Ҷумҳурии Тоҷикистон, будубош дар Ҷумҳурии Тоҷикистон ё ба таври транзитӣ гузаштан аз ҳудуди Ҷумҳурии Тоҷикистонро дар давоми муҳлати дар раводид зикргардида медиҳад.

«Раводид» аз «раводиди электронӣ» чӣ фарқ дорад?

Раводид дар қоғази махсуси дорои хусусиятҳои ҳимоявӣ аз сохтакорӣ (қалбакикорӣ) дар намуди тамғақоғаз гузошта мешавад, ки он дар саҳифаи махсусан ҷудокардашуда барои раводид дар шиноснома ва ё дигар ҳуҷҷати онро ивазкунанда насб карда мешавад. Чунин категорияи раводидро раводиди стандартӣ ё стикерӣ низ мегўянд. Шурўъ аз 1 январи соли 2017 дар Ҷумҳурии Тоҷикистон шабакаи иттилоотии электронӣ барои додани дархост ба гирифтани раводид ба роҳ монда шуд. Дархостҳо барои гирифтани раводиди стандартӣ ба сомонаи инернетии www.visa.gov.tj. дода мешаванд.

Категорияҳои раводид:

- Дипломатӣ;

- Минтақаи озоди иқтисодӣ;

- Транзит;

- Тиҷоратӣ;

- Табриқӣ;

- Намояндаи ВАО-и хориҷӣ;

- Гуманитарӣ;

- Истиқомати доимӣ;

- Нақлиётӣ;

- Донишҷӯӣ;

- Хизматӣ;

- Меҳнатӣ;

- Хусусӣ;

- Сармоягузорӣ;

- Сайёҳӣ.

Барои гирифтани раводид марҳилаҳои зеринро иҷро намоед:

ҚАДАМИ 1

Анкетаро пур карда, ҳуҷҷатҳои заруриро дар сомонаи зерин www.visa.gov.tj замима намоед.

•             Шиносномаи пешниҳодшаванда  бояд ҳадди аққал ду варақи холӣ барои гузоштани раводид дошта бошад;

•             Шиноснома бояд на камтар аз шаш моҳ аз мӯҳлати раводиди дархостшуда эътибор дошта бошад.

ҚАДАМИ 2

Вақте ки Шумо паёми электронӣ дар бораи он, ки "дархости шумо қаблан тасдиқ шудааст" қабул мекунед, лутфан дастурҳои зеринро иҷро кунед:

• Бо консулгарӣ тамос гиред ва вақти ҳозир шуданатонро мувофиқа намоед

• Дар рӯзи мувофиқашуда ба консулгарӣ тасдиқи вақти мувофиқашуда, тасдиқномаи қабулшудаи дархости раводид ва аризаву нусхаҳои ҳуҷҷатҳоро ҳамроҳ бо шиносномаи худ биёред;

• Ҳангоми ташриф ба консулгарӣ аз Шумо изи ангуштонатонро гирифта, аксбардорӣ хоҳед шуд.

• Довталабони зерин аз додани изи ангуштон озод ҳастанд:

о 1) Дипломатҳо;

o 2) Кӯдакон.

ҚАДАМИ 3

• Пас аз қабули қарор оиди судури раводид, он барои гирифтан омода карда мешавад

• Аз Шумо дархост карда мешавад, ки ҳаққи раводидро тибқи категорияи  

  интихобкардаатон, пеш аз гирифтани шиноснома пардохт намоед

• Шумо бояд шиносномаи худро аз Когсулгари шахсан гиред.

Барои гирифтани маълумоти иловагӣ дар бораи тартиби раводид, лутфан бо консулгари тамос гиред.

Рӯзҳо ва соатҳои кории консулӣ: рӯзҳои Душанбе то Ҷумъа, аз соати 09:00 то 15:00.

Телефон:(+971)43945814
 

Почтаи электронӣ: dubaitajcons@gmail.com

** Эзоҳ: Онҳое, ки барои гирифтани раводиди электронӣ дар сайти www.evisa.tj муроҷиат кардаанд, лутфан маблағи раводиди электрониро ба ин ҳисоб интиқол надиҳанд. Суратҳисоби дар боло зикршуда танҳо барои раводидҳои стандартӣ ва дигар хизматрасониҳои консулӣ, ки Консулгарии генералии Тоҷикистон дар Истамбул пешниҳод менамояд, пешбинӣ шудааст.

“Визаи электронӣ”

Визаи электронӣ чист ва онро чӣ тавр дарёфт кардан мумкин аст?

Раводиди электронӣ ҳуҷҷати расмиест, ки барои воридшавӣ ва саёҳат дар ҳудуди Тоҷикистон иҷозат медиҳад. Агар Шумо шаҳрванди яке аз кишварҳои дар поён номбаршуда бошед, метавонед барои раводиди электронӣ ба сайти www.evisa.tj муроҷиат кунед. Пас аз он ки аризаи Шумо бомуваффақият баррасӣ шуд, раводиди электронӣ ба Шумо тариқи номаи электронӣ фиристода мешавад. Ин раводиди яккарата аст, ки ба муддати 90 рўз дода мешавад, вале дорандаи ин раводид дар Тоҷикистон метавонад на бештар аз 45 рўз, шурўъ аз санаи ворид шудан ба қаламрави Ҷумҳурии Тоҷикистон қарор дошта бошад. Раводиди электронӣ тамдид карда намешавад, ба истиснои ҳолатҳои пешгўинашаванда (форс-мажор). Барои маълумоти бештар лутфан ба вебсайти зерин ташриф оред:

https://www.evisa.tj/index.evisa.html#/getinformed.

Ба маълумоти Шумо расонида мешавад, ки Сафорат/Консулгарии Тоҷикистон дар баррасии дархостҳои раводиди электронӣ иштирок намекунад. Сафорат/Консулгари танҳо раводидҳои стандартиро судур мекунад.

Дар асоси шартномаҳои дуҷониба ва бисёрҷонибаи баимзорасидаи Ҷумҳурии Тоҷикистон бо давлатҳои хориҷӣ, тартиби омадурафти бе раводид бо шиносномаҳои муқарраршуда, нисбати кишварҳои зерин амал мекунад:

Бо мақсади ҷалб намудани сармоягузорӣ ва сайёҳӣ ба ҷумҳурӣ, барои шаҳрвандони баъзе аз кишварҳои хориҷӣ тартиби соддаи қоидаҳои омаду рафт ва будубоши онҳо дар қаламрави ҷумҳурӣ пешбинӣ шудааст.

Мутобиқи банди 45-уми Қарори Ҳукумати Ҷумҳурии Тоҷикистон таҳти №31 аз 25 январи соли 2017 муҳлати баррасӣ ва барасмиятдарории раводид на зиёда аз 20 рӯзи корӣ аз рӯзи муроҷиати шаҳрванди хориҷӣ ва шахси бешаҳрванд, ғайр аз ҳолатҳои дар Қоидаҳои мазкур пешбинигардида, инчунин агар тибқи санадҳои меъёрии ҳуқуқии Ҷумҳурии Тоҷикистон ва шартномаҳои байналмилалие, ки Ҷумҳурии Тоҷикистон эътироф намудааст, тартиби дигареро пешбинӣ нагардида бошад, муқаррар карда мешавад. Санаи муроҷиат барои додани раводид аз рӯзи пешниҳод намудани тамоми ҳуҷҷатҳои тибқи Қоидаҳои мазкур пешбинигардида, ба ҳисоб гирифта мешавад. Дар ҳолатҳои алоҳида, муҳлати баррасии дархост барои додани раводид, агар баррасии дақиқи ҳуҷҷатҳо зарур бошад, метавонад ба муҳлати на зиёда аз 10 рӯзи корӣ тамдид карда шавад.

Бо тартиби содда раводиди ҳамаи категорияҳо метавонад танҳо ба шаҳрвандони 126 давлат, ки номгӯи онҳо бо қарори Ҳукумати Ҷумҳурии Тоҷикистон аз 25 январи соли 2017, №31 тасдиқ шудааст, дода шавад.

Шаҳрвандони хориҷие, ки раводиди стандартӣ доранд ва ба онҳо барои омаду рафт ва буду бош дар Ҷумҳурии Тоҷикистон низоми бераводид ҷорӣ карда шудааст, вазифадоранд дар давоми 10 (даҳ) рӯзи корӣ дар мақомоти корҳои дохилӣ ё Вазорати корҳои хориҷии Ҷумҳурии Тоҷикистон (танҳо барои кормандони намояндагиҳои дипломатӣ) аз қайд гузаранд.

Рӯйхати давлатҳои хориҷӣ, ки шаҳрвандонашон барои гирифтани раводиди Ҷумҳурии Тоҷикистон бо тартиби содда ҳуқуқ доранд

1. Австралия
2. Ҷумҳурии Австрия
3. Ҷумҳурии Албания
4. Ҷумҳурии Халқии Демократии Алҷазоир
5. Аморати Муттаҳидаи Араб
6. Иёлоти Муттаҳидаи Америка
7. Шоҳзодагии Андорра
8. Антигуа ва Барбуда
9. Шоҳигарии Арабистони Саудӣ
10. Ҷумҳурии Аргентина
11. Ҷумҳурии Африкаи Ҷанубӣ
12. Ҷазираҳои Багам
13. Барбадос
14. Шоҳигарии Баҳрайн
15. Шоҳигарии Белгия
16. Белиз
17. Боливия
18. Босния и Ҳертсоговина
19. Ҷумҳурии Федеративии Бразилия
20. Шоҳигарии Муттаҳидаи Британияи Кабир ва Ирландияи Шимолӣ
21. Бруней-Доруссалом
22. Ҷумҳурии Булғористон
23. Ҷумҳурии Боливиарии Венесуэла
24. Ҷумҳурии Сотсиалистии Ветнам
25. Вотикон
26. Гайана
27. Ҷумҳурии Гватемала
28. Ҷумҳурии Федеративии Германия
29. Гренада
30. Шоҳигарии Дания
31. Доминика
32. Ҷумҳурии Доминикан
33. Зеландияи Нав
34. Ҷумҳурии Индонезия
35. Ҷумҳурии Ирландия
36. Ҷумҳурии Исландия
37. Шоҳигарии Испания
38. Давлати Исроил
39. Ҷумҳурии Италия
40. Канада
41. Ҷумҳурии Кипр
42. Ҷумҳурии Колумбия
43. Ҷумҳурии Корея
44. Ҷумҳурии Коста Рика
45. Ҷумҳурии Куба
46. Давлати Кувайт
47. Давлати Қатар
48. Ҷумҳурии Латвия
49. Ҷумҳурии Лаҳистон
50. Ҷумҳурии Литва
51. Шоҳзодагии Лихтенштейн
52. Ҷумҳурии Лубнон
53. Гертсогии Бузурги Люксембург
54. Ҷумҳурии Маврикий
55. Ҷумҳурии Македония
56. Малайзия
57. Ҷазираҳои Малдив
58. Ҷумҳурии Малта
59. Шоҳигарии Марокаш
60. Маҷористон
61. Иёлоти Муттаҳидаи Мексика
62. Ҷумҳурии Мисри Араб
63. Шоҳзодагии Монако

64. Муғулистон
65. Шоҳигарии Нидерландия
66. Шоҳигарии Норвегия
67. Ҷумҳурии Панама
68. Папуа Гвинеяи Нав
69. Ҷумҳурии Парагвай
70. Ҷумҳурии Перу
71. Ҷумҳурии Исломии Покистон
72. Ҷумҳурии Португалия
73. Руминия
74. Ҷумҳурии Салвадор
75. Ҷумҳурии Сан Марина
76. Ҷазираҳои Сейшел
77. Сент Винсент ва Гренадин
78. Сент Китс ва Невис
79. Сент Люсия
80. Ҷумҳурии Сербия
81. Ҷумҳурии Сингапур
82. Ҷумҳурии Словакия
83. Ҷумҳурии Сенегал
84. Ҷумҳурии Словения
85. Ҷумҳурии Суринам
86. Шоҳигарии Тайланд
87. Ҷумҳурии Тринидад ва Тобаго
88. Ҷумҳурии Тунис
89. Ҷумҳурии Туркия
90. Туркманистон
91. Ҷумҳурии Ўзбекистон
92. Шоҳигарии Ҳошимии Урдун
93. Ҷумҳурии Уругвай
94. Ҷумҳурии Филиппин
95. Ҷумҳурии Финляндия
96. Ҷумҳурии Фиҷњ
97. Ҷумҳурии Франсия
98. Ҷумҳурии Халқии Хитой
99. Ҷумҳурии Хорватия
100. Ҷумҳурии Ҳиндустон
101. Черногория
102. Ҷумҳурии Чехия
103. Ҷумҳурии Чили
104. Конфедератсияи Швейтсария
105. Шоҳигарии Шветсия
106. Шри Ланка
107. Ҷумҳурии Эквадор
108. Ҷумҳурии Исломии Эрон
109. Ҷумҳурии Эстония
110. Ҷумҳурии Юнон
111. Ямайка
112. Япония
113. Шоҳигарии Камбоҷа
114. Шоҳигарии Бутан
115. Ҷумҳурии Гандурас
116. Ҷумҳурии Кабо Верде
117. Ҷумҳурии Никарагуа
118. Ҷумҳурии Гана
119. Ҷумҳурии Камерун
120. Ҷумҳурии Бенин
121. Ҷумҳурии Муттаҳидаи Танзания
122. Ҷумҳурии Кения
123. Ҷумҳурии Халқии Демократии Лаос
124. Ҷумҳурии Конго
125. Ҷумҳурии Мардумии Бангладеш
126. Буркина Фасо