МАЪЛУМОТНОМА

МАЪЛУМОТНОМА  
вобаста ба татбирҳои Амороти Муттаҳидаи Араб барои пешгирии бемории Коронавирус (COVID-19)                   

                 Ҳамватанони азиз,

Дар ростои паҳншавии бемории Коронавирус ва эълон гардидани пандемия аз ҷониби Созмони умумиҷаҳонии тандурустӣ (WHO), Вазорати тандурустӣ ва дигар ниҳодҳои дахлдори АМА як қатор чораҳои заруриро барои пешгирии ин беморӣ амалӣ намуда истодаанд.

Бинобар ин, ба маълумоти ҳамватанони гиромӣ мерасонем, ки барои пешгирии бемории Коронавирус дар АМА талаботҳои зерин ҷорӣ гардидаанд:

• Аз таърихи 19-уми марти соли 2020 таҳияи ҳамаи намуди раводидҳои АМА ба шаҳрвандони хориҷӣ, аз ҷумла раводиди сайёҳӣ, транзитӣ ва меҳнативу корӣ (Residence visa) қатъ гардидааст, ба истиснои дорандагони шиносномаҳои дипломатӣ.
• Ба шаҳрвандони хориҷии дорандаи раводиди сайёҳӣ, транзитӣ, меҳнатӣ ва корӣ (residence visa), ки ба АМА сафар менамояд иҷозати вуруд ба кишвар дода намешавад, ба истиснои дорандагони шиносномаи дипломатӣ ва раводиди хос.

          Бо эҳтиром,

        Консулгарии генералии

Ҷумҳурии Тоҷикистон дар Дубай