Инъикоси раванди интихобот дар ш. Файзобод
01.03.2020 16:07
Рӯзи 1 марти соли 2020 дар бинои Консулгарии Ҷумҳурии Тоҷикистон дар шаҳри Файзободи Афғонистон интихоботи вакилони Маҷлиси Намояндагони Маҷлиси Олии Ҷумҳурии Тоҷикистон барпо шудааст.
Консулгарӣ, чиҳати дар сатҳи баланд баргузор намудани маъракаи сиёсӣ чораҳои заруриро андешида, тамоми шароитро барои гузаронидани интихобот муҳайё сохтааст.
Шаҳрвандони Тоҷикистон муқими вилоятҳои Бадахшон ва Тахори Афғонистон бо ирода ва ҳисси масъулияти шащрвандӣ дар ин чорабинии сиёсӣ фаъолона иштирок намуда, ба номзадон раъй додаанд.
