Ҷашни Истиқлоли Тоҷикистон дар Қоҳира

25 сентябри соли 2023 дар шаҳри Қоҳира Истиқлоли давлатии Тоҷикистон ва солгарди 30-юми истиқрори муносибатҳои дипломатии Тоҷикистону Миср ботантана аз ҷониби Сафорати Ҷумҳурии Тоҷикистон ҷашн гирифта шуд.

Сафири Ҷумҳурии Тоҷикистон дар Ҷумҳурии Арабии Миср Заробиддин Қосимӣ зимни суханронии худ доир ба дастовардҳои Тоҷикистон дар солҳои истиқлоли давлатӣ ва рушди муносибатҳои хориҷӣ, аз ҷумла бо Миср сухан гуфта, таъкид дошт, ки Тоҷикистону Миср имкону захираҳои фаровон барои густариши ҳамкории барои ҳарду кишвар судахш доранд.

Таваҷҷуҳи зиёд ҳамчунин ба муаррифии ташаббусҳои ҷаҳонии Тоҷикистон доир ба обу иқлим ва татбиқи ҳадафҳои рушди устувор, аз ҷумла рушди “иқтисоди сабз” ва ”неруи сабз”, зоҳир гардид.

Дар чорабинӣ намояндагони корпуси дипломатии муқими Қоҳира, намояндагони воломақоми Парлумони Миср, вазорату идораҳо, доираҳои илмию фарҳангӣ, соҳибкорон ва намояндагони воситаҳои ахбори омма иштирок намуданд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan