Мулоқот бо Вазири федеролии мудофиаи Покистон

18 сентябри соли 2024 мулоқоти Сафири Тоҷикистон дар Покистон Юсуф Шарифзода бо Вазири федеролии мудофиаи Покистон Хавоҷа Муҳаммад Осиф баргузор шуд. Зимни мулоқот доираи васеи масъалаҳои равобити Тоҷикистону Покистон, бахусус дар соҳаҳҳои иқтисодӣ, авиатсияи гражданӣ, амниятӣ ва низомии техникӣ мавриди баррасӣ қарор дода шуд. Ҷонибҳо вобаста ба вазъи имрӯзаи низомию сиёсӣ ва иқтисодиву иҷтимоии Афғонистон, ки ба ҳолати амниятии минтақа таъсири бевосита мерасонад, ҳамчунин дигар масъалаҳои хоси мавриди эҳтимоми муштарак мубодилаи афкор анҷом доданд. Таъкид гардид, ки Покистон талошҳои Тоҷикистонро дар таҳкими сулҳу субот дар минтақа  самарабахш арзёбӣ мекунад.

Дар рафти суҳбат инчунин муҳимияти тадбиқи лоиҳаи энергетикии “CASA-1000” барои кишварҳои минтақа қайд карда шуд.