Баргузории мусобиқаи футбол дар Туркия

Cанаи 27 майи соли 2023 бо ибтикори Консулгарии генералии Ҷумҳурии Тоҷикистон дар шаҳри Истанбул дар ҳамкорӣ бо Сафорати Ҷумҳурии Тоҷикистон дар Анкара ва ҷамъияти  тоҷикони муқими Туркия бахшида ба Рӯзи ҷавонони Тоҷикистон мусобиқаи футбол байни шаҳрвандон ва донишҷӯёни тоҷикистонии муқими Ҷумҳурии Туркия баргузор гардид. Барои иштирок дар мусобиқаи мазкур байни шаҳрвандон шаш даста ташкил карда шуд.

Зимни суханронии хеш Консули генералии Ҷумҳурии Тоҷикистон дар шаҳри Истанбул З. Мирзозода шаҳрвандонро ба муносибати Рӯзи ҷавонони Тоҷикистон муборакбод намуда, роҷеъ ба барномаҳои рушди намудҳои варзиш, аз ҷумла футбол дар кишвари мо гуфт ва ба дастаҳои футболбозон муваффақият орзу намуд.

Дар охир ба иштирокчиён таомҳои миллӣ пешкаш карда шуда, ба дастаҳои ғолиб Ҷомҳо супорида шуд.