Вохӯрии сафири Тоҷикистон бо вазири фарҳанги Украина
24.06.2024 18:00
20 июни соли 2024 вохӯрии Сафири Фавқулода ва Мухтори Ҷумҳурии Тоҷикистон дар Украина Давлаталӣ Назризода бо Вазири фарҳанг ва сиёсати иттилоотии Украина Ростислав Карандеев доир гардид.
Дар мулоқот ҳолат ва дурнамои ҳамкориҳои фарҳангии ду кишвар, ташкили сафарҳо ва барномаҳои ҳунарии муштарак бо иштироки аҳли адабу ҳунар, баргузор намудани намоишҳои асарҳои эҷодкорон, тарҷума ва нашри китобҳо мавриди баррасӣ қарор гирифтанд.
