Муовини вазири корҳои хориҷӣ нусхаи эътимодномаи Сафири Ҷумҳурии Индонезияро қабул кард
13.06.2022 18:31
13 июни соли 2022 Муовини вазири корҳои хориҷии Ҷумҳурии Тоҷикистон Фарҳод Салим нусхаи эътимодномаи Сафири Фавқулода ва Мухтори Ҷумҳурии Индонезия дар Ҷумҳурии Тоҷикистон (бо қароргоҳ дар шаҳри Нур-Султон) Доктор Муҳаммад Фаҷрул Раҳмонро қабул кард.
Дар рафти вохӯрӣ ҷонибҳо перомуни ҳолати кунунии муносибатҳои дуҷониба, дурнамои густариши ҳамкорӣ байни кишварҳо ва дигар масъалаҳои мавриди таваҷҷуҳи муштарак, табодули назар намуданд.
Муовини вазири корҳои хориҷӣ сафири Ҷумҳурии Индонезияро ба муносибати ба ин вазифа таъйин шуданаш табрик намуда, ба ӯ дар амалӣ намудани рисолати дипломатиаш дар Тоҷикистон комёбиҳо таманно намуд.
