Вохӯрии cафир бо Президенти Агентии Туркия оид ба ҳамкорӣ ва ҳамоҳангсозӣ
14.06.2022 18:14
13 июни соли 2022 вохӯрии cафири Ҷумҳурии Тоҷикистон дар Туркия Ашрафҷон Гулов бо Президенти Агентии Туркия оид ба ҳамкорӣ ва ҳамоҳангсозӣ Серкан Каялар баргузор гардид.
Зимни вохӯрӣ ҷонибҳо вазъи кунунӣ ва имконияти рушди муносибатҳоро дар самтҳои иқтисодию тиҷоратӣ, фарҳангӣ ва соҳаи маориф, аз ҷумла дар доираи Комиссияи байниҳукуматии Тоҷикистону Туркия оид ба ҳамкориҳои иқтисодӣ, инчунин барномаю лоиҳаҳои ташкилоти мазкур дар Ҷумҳурии Тоҷикистонро мавриди баррасӣ қарор доданд.
