Сафари корӣ ба шаҳри Екатеринбург

25 августи соли 2022 cафири фавқулода ва мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода ба шаҳри Екатеринбурги вилояти Свердловск сафари корӣ анҷом дод.

Дар чаҳорчӯби сафари мазкур мулоқоти сафири Тоҷикистон бо губернатори вилояти Свердловск Евгений Куйвашев баргузор гардид.

Зимни суҳбат дар фазои анъанавии дӯстона оид ба вазъи кунунии равобити минтақаҳои Тоҷикистон бо вилояти Свердловск дар соҳаҳои мухталиф, инчунин дурнамои ҳамкориҳои тиҷоратию иқтисодӣ табодули афкор сурат гирифт.

Дар зимн Д.Гулмаҳмадзода маъмурият ва доираҳои соҳибкории вилояти Сверловскро барои ширкат варзидан дар Форуми байналмилалии сармоягузории «Тоҷикистон-Россия», ки соли ҷорӣ дар Ҷумҳурии Тоҷикистон баргузор мегардад, даъват намуд.