Иштироки вазири корҳои хориҷӣ дар 21-умин нишасти солонаи Гурӯҳи кишварҳои рӯ ба тараққии маҳсур дар хушкӣ

23.09.2022 09:42

22 сентябри соли 2022 дар ҳошияи “Ҳафтаи сатҳи баланд”-и иҷлоси 77-уми Маҷмаи Умумии Созмони Милали Муттаҳид дар шаҳри Ню-Йорк вазири корҳои хориҷии Ҷумҳурии Тоҷикистон Сироҷиддин Муҳриддин дар нишасти солонаи Гурӯҳи кишварҳои рӯ ба тараққии маҳсур дар хушкӣ ширкат намуд.

Вазири корҳои хориҷӣ дар ҳамоиш доир ба масъалаҳои мубрами ҳамкорӣ миёни Тоҷикистон ва Гурӯҳи кишварҳои рӯ ба тараққии маҳсур дар хушкӣ, аз ҷумла обу энергетика, нақлиёт ва дастоварду мушкилоти иҷтимоӣ, иқтисодӣ ва экологии ин кишварҳо ибрози андеша кард.

С. Муҳриддин ҳамчунин зимни суханронӣ аз аҳаммияти татбиқи Барномаи амали Вена ҳамчун унсури муҳими ҳамгироии кишварҳои рӯ ба тараққии маҳсур дар хушкӣ дар самти ноил шудан ба Рӯзномаи 2030 ва ҳадафҳои он ёдрас шуда, аз ташаббусҳои ҷаҳонии кишвар оид ба эълон намудани соли 2025 ҳамчун Соли байналмилалии ҳифзи пиряхҳо ва таъсиси Хазинаи байналмилалии ҳифзи пиряхҳо дар назди СММ таъкид сохт.

23-09-2022-09-00.jpg

 

Нигористон

Тақвим