Муносибатҳои Тоҷикистон бо Норвегия

01.03.2013 10:10

Муносибатҳои дипломатӣ миёни Ҷумҳурии Тоҷикистон ва Шоҳигарии Норвегия соли 1992 барқарор гардидаанд.

Сафири Фавқулода ва Мухтори Шоҳирагии Норвегия дар Ҷумҳурии Тоҷикистон (бо қароргоҳ дар ш. Остона) ҷаноби Оле Йохан Бёрной мебошад.

Ҳамкории сиёсӣ (мубодилаи сафарҳо). То инҷониб муносибатҳои дипломатии ду давлат танҳо бо мукотибаи дипломатӣ маҳдуд буда, аз пояи шартномавӣ-ҳуқуқӣ бархӯрдор намебошанд.

Вазирони корҳои хориҷии Норвегия ду маротиба ба Тоҷикистон сафар намудаанд. Сафари якум соли 1999 ҳангоми  раисии Норвегия дар САҲА ва сафари дуюм соли 2004 ба вуқӯъ пайвастанд. Ҳайати норвегии Ассамблеяи Парламентии САҲА соли 2012 ба Тоҷикистон ташриф оварда буд.  Вазири энергетика ва саноати Тоҷикистон ноябри соли 2012 ба Норвегия сафар кардааст.

Аз оғози истиқлолияти Тоҷикистон, Ҳукумати Норвегия ба Тоҷикистон ёрии гуманитарӣ ва техникиро расонидааст. Бояд қайд кард, ки Шоҳигарии Норвегия дар доираи Барномаҳои САҲА бо мақсади нобуд кардани аслиҳаи сабуки оташфишон ва лавозимоти муқаррарии ҷангӣ ба Тоҷикистон кӯмаки молиявӣ намудааст.

6 августи соли 2010  «Созишнома байни Ҳукумати Ҷумҳурии Тоҷикистон ва Ташкилоти «Ёрии халқи Норвегия» дар бораи ҳамкории гуманитарӣ дар соҳаи безараргардонии минаҳо» баста шудааст. Дар мувофиқат бо ин созишнома дар соли 2010 ҷониби Норвегия бо мақсади тозакунии майдонҳои минаи Тоҷикистон 7 млн. крон (1,06 млн. $) ҷудо кард.

20 апрели соли 2015 мулоқоти Муовини вазири корҳои хориҷӣ - Низомиддин Зоҳидӣ бо ҳайати Шоҳигарии Норвегия таҳти роҳбарии Сафири Норвегия дар Тоҷикистон (бо қароргоҳ дар ш. Остона) - Оле Йохан Бёрной баргузор гардид.

Дар рафти вохӯрӣ масъалаҳои ҳамкории дуҷонибаи Тоҷикистону Норвегия ва инчунин раванди татбиқи лоиҳаҳое, ки аз ҷониби Норвегия дар Тоҷикистон маблағгузорӣ карда мешаванд, муҳокима шуданд. Ҷонибҳо зарурати истифодаи иқтидорҳои мавҷударо ҷиҳати рушди ҳамкории дуҷониба миёни давлатҳо, бахусус дар соҳаи гидроэнергетика қайд намуданд.

Ҳамкории иқтисодӣ.

Дар ҳудуди Тоҷикистон корхонаи муштараки тоҷикӣ-норвегӣ амал мекунад.

Ширкати тоҷикӣ-норвегии «Таджгидро» дар асоси Ёддошти тафоҳум байни Вазорати корҳои хориҷии Шоҳигарии Норвегия ва Вазорати Энергетика ва Саноати Ҷумҳурии Тоҷикистон, ки 27 апрели соли 2010 ба имзо расидааст, ташкил шудааст.

«Таджгидро» узви барномаи  Бонки Аврупоӣ оид ба таҷдид ва рушд барои таъмини дастгирии машваратӣ ба ширкатҳои энергетикӣ мебошад. Ин барнома инчунин лоиҳаҳоро оид ба самарнокии энергетикӣ ва аудити энергетикӣ дар бар мегирад.

«Таджгидро» ҳамчунин дар ҳамкорӣ бо Иттиҳодияи байналмилалии молиявӣ ва Вазорати корҳои кориҷии Шоҳигарии Норвегия ҷиҳати ҷалби маблағгузорӣ ба рушди соҳаи гидроэнегетикаи хурди Тоҷикистон фаъолиятро ба роҳ мондааст.

Пояи шартномавӣ-ҳуқуқии байнидавлатӣ дар марҳалаи барқароршавӣ қарор дорад.

Тибқи маълумоти Кумитаи омори ҶТ ҳаҷми умумии гардиши молу колои ду кишвар чунинанд:

ҳаҷми умумӣ маблағ дар соли 2016 – 1155,8 ҳаз. доллари ИМА (воридот - 1155,8 ҳаз. доллари ШМА);

Ҳаҷми умумии гардиши савдо дар 9 моҳи соли 2017 (январ-сентябр) – 28,5 ҳазор доллари ИМА (воридот –  25,4 ҳазор доллари ИМА, содирот – 3,1 ҳазор доллари ИМА)-ро ташкил дод.

01.11.2017

Нигористон

Тақвим