Иштироки намояндаи доимии Тоҷикистон дар ҷаласаи Шӯрои амнияти СММ оид ба Афғонистон

21 июни соли 2023 намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат дар ҷаласаи Шӯрои амният оид ба масъалаи Афғонистон ширкат ва суханронӣ намуд.

Зимни ҷаласа ширкаткунандагон вазъи кунунии Афғонистонро мавриди муҳокима қарор дода, вобаста ба чолишҳои умдаи ин кишвар табодули назар карданд.

Намояндаи доимии кишвар зимни суханронӣ бо мардуми Афғонистон, ки дар вазъияти буҳрони шадиди амниятӣ, иқтисодӣ, иҷтимоӣ ва башардӯстона қарор доранд, ибрози ҳамбастагӣ карда, аз омодагии Ҳукумати Тоҷикистон барои идомаи пешниҳоди зерсохтори худ ба созмонҳои байналмилалӣ ҷиҳати расонидани кумакҳои башардӯстона ба аҳолии Афғонистон ёдовар шуд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan