Қабули нусхаҳои эътимодномаҳо аз сафирони навтаъйин

23 октябри соли 2023 муовини вазири корҳои хориҷии Ҷумҳурии Тоҷикистон Фарҳод Салим нусхаҳои эътимодномаҳои cафирони навтаъйини Муғулистон дар Ҷумҳурии Тоҷикистон (қароргоҳ дар ш. Остона) Доржийн Баярхуу, Ҷумҳурии Филиппин дар Ҷумҳурии Тоҷикистон (қароргоҳ дар ш. Исломобод) хонум Мариа Агнес Магласанг Сервантес, Ҷумҳурии Сотсиалистии Ветнам дар Ҷумҳурии Тоҷикистон (қароргоҳ дар ш. Остона) хонум Фам Тхай Нии Май ва Ҷумҳурии Халқӣ-Демократии Корея дар Ҷумҳурии Тоҷикистон (қароргоҳ дар ш. Москва) Сон Хин Чхол, Конфедератсияи Швейтсария дар Ҷумҳурии Тоҷикистон (қароргоҳ дар ш. Остона) Салман Балро қабул кард.

Зимни суҳбат перомуни ҳолати кунунӣ ва дурнамои густариши ҳамкориҳо ва дигар масъалаҳои мавриди таваҷҷуҳи тарафайн табодули афкор сурат гирифт. 

Муовини вазири корҳои хориҷӣ сафиронро ба муносибати ба ин вазифа таъйин шуданашон табрик намуда, ба онҳо дар амалӣ намудани рисолати дипломатиашон дар Тоҷикистон комёбиҳо таманно намуд.

Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan