Иштироки cафир дар нахустин Конфронси муштараки илмию амалии TRENDS-IICD

26 феврали соли 2024 дар шаҳри Абу Забӣ сафири Ҷумҳурии Тоҷикистон дар Амороти Муттаҳидаи Араб Баҳодур Шарифӣ дар нахустин Конфронси муштараки илмию амалии Маркази пажуҳиш ва мушовара (TRENDS) ва Институти байналмилалӣ оид ба дипломатияи фарҳангӣ (IICD) дар мавзуи “Дипломатияи муосир дар даврони ҷаҳонишавӣ: дурнамо ва пайомадҳои нави ҳамкорӣ байни Амороти Муттаҳидаи Араб ва кишварҳои Осиёи Марказӣ” иштирок ва суханронӣ намуд.

Б. Шарифӣ дар мавзуи “Нақши дипломатия дар ҷаҳони бо ҳам алоқаманд ва рақобатпазир: чолишҳо ва имкониятҳо” маърӯза ироа намуда, таваҷҷуҳи ҳозиринро ба ҳолат ва дурнамои ҳамкориҳои дуҷониба ва бисёрҷониба миёни Ҷумҳурии Тоҷикистон ва Амороти Муттаҳидаи Араб, инчунин ташаббусҳои сатҳи миллӣ, минтақавӣ ва байналмилалии Ҷумҳурии Тоҷикистон дар пешбурди масъалаҳои марбут ба обу иқлим ва сулҳу амният ҷалб намуд.

Ҳамчунин сафир дар Мизи мудаввари роҳбарони намояндагиҳои дипломатӣ ширкат варзида, аҳамияти истифодаи имконоти фаровони сармоягузорӣ ва фазои мусоиди соҳибкорӣ дар Тоҷикистон, хусусан дар бахшҳои гидроэнергетика, энергияи барқароршаванда, кишоварзӣ, саноати маъдани куҳӣ, нақлиёт, сайёҳӣ ва илму фарҳангро ҳамчун равиши муносиб баҳри тақвияти бештари ҳамкории мутақобила таъкид кард.

Мо дар Фейсбук: www.facebook.com/mfa.tj

Мо дар Твиттер (русӣ): www.twitter.com/MID_Tajikistan

Мо дар Телеграм: t.me/mfa_tj

Мо дар Инстаграм: instagram.com/mfa_tjk

Мо дар Твиттер (англисӣ): twitter.com/MOFA_Tajikistan