Иштироки вазир дар ҷаласаи ШВКХ СААД
20-21 июни соли 2024 дар шаҳри Алмато вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи навбатии Шурои вазирони корҳои хориҷии давлатҳои узви Созмони Аҳдномаи амнияти дастаҷамъӣ иштирок кард.
Вазирон дар сиғаҳои маҳдуд ва васеъ вазъи байналмилалию минтақавӣ ва таъсири онро ба амнияти давлатҳои узви СААД баррасӣ намуданд.
Вазирони корҳои хориҷӣ аз натиҷаи ҷаласа ба анҷом расидани муколамаи 11-сола ва дар ин робита қабули Барномаи мақсадноки байнидавлатии СААД оид ба таҳкими сарҳади Тоҷикистону Афғонистонро қайд намуданд.
Шурои вазирони корҳои хориҷӣ инчунин як қатор изҳоротҳо, аз ҷумла дар робита ба 80-солагии озодшавии Беларус аз истилогарони фашистӣ, роҷеъ ба масъалаҳои мубрами тадқиқот ва истифодаи фазои кайҳонӣ бо мақсадҳои осоишта, дар бораи вусъат додани ҳамкорӣ дар соҳаи амнияти байналмилалии иттилоотӣ ва оид ба вазъият дар Ховари Миёна ва
Африқои Шимолиро қабул карданд.
Ҷаласаи навбатии ШВКХ СААД моҳи ноябри соли 2024 дар шаҳри Остона дар арафаи ҷаласаи Шурои амнияти дастаҷамъии СААД баргузор хоҳад гашт.
Саҳифаҳои расмии Вазорати корҳои хориҷии Ҷумҳурии Тоҷикистон дар шабакаҳои иҷтимоӣ:
Мо дар Фейсбук: www.facebook.com/mfa.tj
Мо дар Твиттер (русӣ): www.twitter.com/MID_Tajikistan
Мо дар Телеграм: t.me/mfa_tj
Мо дар Инстаграм: instagram.com/mfa_tjk
Мо дар Твиттер (англисӣ): twitter.com/MOFA_Tajikistan
